Modern Artifact هو براند إكسسوارات مميز شارك معنا في مسابقة خلال بازار كنا بنحضره. مش بس شاركوا، كمان كسبوا معانا شهر كامل من الدعم والتطوير. خلال الفترة دي، بدأنا نشوف البراند بشكل مختلف ونحلل محتواه عشان نعرف إزاي نوصله لليفل الجديد.
التحدي: الوصول إلى جمهور شبين الكوم
البراند كان ناجح على مستوى معين؛ صاحبته كانت شاطرة جدًا وبتدير البيج باهتمام كبير، لكن كان عندها طموح أكبر. كانت عايزة توسع شهرة البراند وتوصله لكل الناس في شبين الكوم، وتبقى الاسم الأول اللي بيجي في بال أي حد لما يفكر في إكسسوارات.
استراتيجيتنا لتحقيق الهدف
1. تحليل دقيق للبيج
بدأنا بتحليل محتوى البيج عشان نعرف نقاط القوة ونقاط التحسين. لاحظنا إنها محتاجة حاجة تضيف لمسة إنسانية أكتر للبراند وتوصل للجمهور بقصة تلهمهم.
2. Storytelling قوي وملهم
قررنا نركز على سرد قصة البراند من البداية. من إزاي جت الفكرة؟، لحد أول خطوات المشروع اللي بدأته صاحبة البراند مع أختها، لحد ما البراند كبر وبقى محل ثقة عند الناس. القصة دي مش بس جذبت الناس، لكنها كمان قربت الجمهور أكتر للبراند، وخلتهم يحسوا إنه جزء منهم.
3. تعزيز الثقة وبناء علاقة مع الجمهور
اشتغلنا على محتوى يعكس جودة الإكسسوارات وتفرد التصميمات، وفي نفس الوقت يعبر عن الحرفية والشغف اللي بتقدمه Modern Artifact. ده خلى البراند مش مجرد بيج بتبيع منتجات، لكن كيان ليه هوية وشخصية الناس بتتعلق بيها.
النتائج
زيادة التفاعل: القصص اللي عملناها ساعدت البيج تحقق مستوى أعلى من التفاعل مع الجمهور.
شهرة محلية أكبر: بدأ اسم Modern Artifact يظهر أكتر في شبين الكوم، والجمهور بدأ يثق في البراند كواجهة رئيسية للإكسسوارات.
هوية براند أقوى: Modern Artifact بقت مش بس بيج بتبيع إكسسوارات، لكنها علامة ليها قصة وجمهور بيحبها.
Modern Artifact دلوقتي مثال لبراند بدأ بحلم بسيط وحقق انتشار قوي. إحنا فخورين إننا كنا جزء من نجاحهم وبنتطلع لمزيد من الشغل معاهم.
