منير كان دائمًا الاسم الكبير في عالم التصوير في المنوفية، لكن التحدي كان في إنه يفضل ظاهر بشكل قوي ومستمر قدام العملاء، خصوصًا في الموسم اللي عليه ضغط كبير. لما المهندس مصطفى تواصل معانا، كان هدفه إنه يحل مشكلتين أساسيين: إزاي يحسن التواصل مع العملاء ويزود الطلب على جلسات التصوير بشكل واضح.
خطوتنا مع منير
التواجد المستمر والتواصل مع العملاء:
لاحظنا إن واحدة من أكبر التحديات كانت الردود البطيئة أو غير الفعّالة على العملاء، ودي نقطة بتأثر بشكل كبير على تجربة العملاء وثقتهم.
فريقنا بدأ يدير الجزء ده بالكامل، وقدمنا نظام مراقبة شاملة للرسائل والتعليقات، مع ردود سريعة واحترافية. كمان بدأنا نستخدم أسلوب مبيعات بسيط وعملي في الردود عشان نحول استفسارات العملاء لطلبات حجز مباشرة.
التسويق عبر الإعلانات:
اشتغلنا على حملة إعلانات موجهة بشكل مكثف. استخدمنا خبرتنا في الميديا باينج عشان نظهر منير قدام الفئة المستهدفة بأقوى شكل ممكن. الحملة دي مش بس زودت الطلبات، لكنها كمان ساعدت على تعزيز صورة البراند كخيار أول لجلسات التصوير في المنطقة.
مشروع CGI المتفرد:
رمضان كان فرصة ذهبية إننا نقدم حاجة جديدة تمامًا. استخدمنا تقنية CGI، ودي حاجة شركة ستريكس متفردة بيها في المنوفية، عشان نعمل محتوى يبرز مونير بشكل عصري ومختلف. المشروع ده كان خطوة كبيرة في تقديم البراند كواجهة للتجديد والإبداع في عالم التصوير.
النتيجة؟
منير مش بس بقى ظاهر بشكل قوي ومستمر قدام العملاء، لكنه كمان قدر يعالج نقاط الضعف الرئيسية عنده، سواء في التواصل أو زيادة الطلبات. النهج العصري والإبداعي اللي اشتغلنا عليه خلق منير مكانة جديدة كليًا في عيون عملائه.
