قصة MyOffice: رحلة تطوير الهوية البصرية مع Streaks
MyOffice، براند مميز في عالم الأثاث المكتبي، متخصص في تقديم منتجات عالية الجودة تستهدف فئة معينة من العملاء، زي الدكاترة، المهندسين، وأصحاب الشركات من الفئة المتوسطة وأعلى.
سامح، أحمد، وعبدالله، أصحاب البراند، كانوا دائمًا عارفين قيمة الخامات الهايلاند اللي بيقدموها، لكن التحدي كان في إن ده مش بيتعكس بشكل واضح في التصاميم، التصوير، أو حتى الطريقة اللي البراند بيظهر بيها على السوشيال ميديا.
خطوتنا الأولى: إعادة بناء الهوية البصرية
إعادة تصميم الهوية:
بدأنا من الأساس. ركزنا على تغيير الألوان لتكون أكتر توافقًا مع فئة العملاء المستهدفة، بحيث تعكس الفخامة والبساطة في نفس الوقت. كمان اشتغلنا على اختيار خطوط واضحة، أنيقة، وسهلة القراءة، تتماشى مع طبيعة البراند.
تحسين عرض المنتجات:
بدل الصور العشوائية القديمة، عملنا جلسات تصوير احترافية للأثاث المكتبي، وركزنا على تقديم المنتجات بطريقة مريحة للعين. ده ساعد العملاء يشوفوا تفاصيل الجودة والاحترافية في التصميم.
تصميم رسائل تسويقية جديدة:
غيرنا الطريقة اللي بيتكلم بيها MyOffice مع الجمهور. بدل التركيز على التفاصيل التقنية البحتة، بدأنا نقدم المحتوى بطريقة تركز على القيمة اللي العميل هيحصل عليها: الراحة، الجودة، والشكل اللي يليق بمكانتهم.
النتائج بعد ستة شهور
على مدار ستة شهور من التعاون، قدرنا نحقق تغييرات واضحة:
زاد تفاعل العملاء مع البراند على السوشيال ميديا بشكل كبير.
الطلب على المنتجات ارتفع، خاصة من العملاء اللي البراند كان بيستهدفهم من البداية.
بقى فيه توافق حقيقي بين جودة المنتجات والطريقة اللي البراند بيظهر بيها، وده كان هدفنا الأساسي.
